«Қазақстан Республикасының «Азаматтық туралы» заңының 17-бабының 14-тармақшасында азаматтыққа қабылдаудан немесе азаматтықты қалпына келтіруден бас тартуға негіз ретінде «егер азаматтық алуға немесе қалпына келтіруге өтініш білдірген адам мемлекеттік тілді қарапайым деңгейде, Қазақстан Республикасының Конституциясының негіздерін, сондай-ақ уәкілетті орган белгілеген көлемде Қазақстан тарихын білмесе, өтініш қабылданбайды» деп көрсетілген. Осы талапқа байланысты министрдің аталған көлемді бекіту туралы бұйрығына өзгерістер енгізіледі», – делінген түзетулер жобасының түсіндірме жазбасында.
Жаңа редакциядағы жоба мынадай:
«Қазақстан Республикасының азаматтығына қабылдау немесе азаматтығын қалпына келтіру кезінде мемлекеттік тілді қарапайым деңгейде білу – кемінде 15 балл, Қазақстан Республикасы Конституциясының негіздерін білу – кемінде 20 балл, сондай-ақ Қазақстан тарихын білу – кемінде 15 балл деп бекітілсін», - делінген түзету жобасының сипаттамасында.
Жобаны әзірлеушілердің айтуынша, бұл өзгеріс әр пән бойынша тест сұрақтарының санын теңестіруге және шекті деңгейдің төмендеуіне (10%-ға) мүмкіндік береді.
Сондай-ақ, құжатта көрсетілгендей:
«Жобаны қабылдау әлеуметтік-экономикалық, құқықтық немесе басқа да теріс салдарға әкелмейді және ұлттық қауіпсіздікке әсер етпейді».
Источник фото: gov.kz