«Мемлекетке қайтарылған активтер есебінен іске асырылып жатқан әлеуметтік жобалар Бас прокурордың жеке бақылауында. 2025 жылғы 17 маусымда Солтүстік Қазақстан облысының прокурорлары жергілікті атқарушы органдардың өкілдерімен бірлесіп 30 ауылда су құбыры желілерінің құрылысын тексерді. Қаржыландыру прокуратура органдары арқылы қайтарылған активтер есебінен жүргізілуде», – делінген жұма күні таратылған хабарламада.
Ведомствоның мәліметінше, жүзеге асырылып жатқан жобалар нәтижесінде 11 мыңнан астам адам сапалы ауыз суға қол жеткізеді.
«Бұл санитариялық қауіпсіздік деңгейін арттырып, ауылдық аумақтардың тұрақты дамуына жағдай жасайды. Қазіргі таңда су құбыры желілерін төсеу жұмыстары жүргізілуде. Құрылысты осы жылдың соңына дейін аяқтау жоспарланған. Мердігер ұйымдарға жұмыстың сапасы мен мерзімін қатаң сақтау туралы ескерту жасалды. Солтүстік Қазақстан облысында барлығы 33 жоба мемлекетке қайтарылған активтер есебінен жүзеге асырылуда – бұл өңірді дамыту мен халықтың әл-ауқатын арттырудың тиімді тетігі», – деп атап өтті прокуратурада.
Источник фото: pixabay.com