Астана. 12 маусым. ҚазТАГ – Қазақстанның көптеген өңірлерінде бейсенбі күні жауын-шашын күтіледі, деп хабарлайды «Қазгидромет» РМК баспасөз қызметі.
«Республиканың көп бөлігіне оңтүстіктен келген циклон және онымен байланысты атмосфералық фронттар әсер етеді – найзағайлы жаңбыр жауады, еліміздің солтүстік-батысында нөсер жаңбыр, солтүстік-батысы мен орталығында бұршақ күтіледі. Республика бойынша желдің күшеюі күтіледі, оңтүстігінде шаңды дауыл мен бұрқасын болады. Түнде және таңертең оңтүстік-батыста тұман күтіледі. Тек елдің шығысында антициклон жотасының ықпалында жауын-шашынсыз ашық ауа райы сақталады», – делінген хабарламада.
Алматы, Қарағанды облыстарында, Ұлытау, Жетісу, Абай облыстарында, Батыс Қазақстан облысының солтүстігінде, Павлодар облысының батысы мен оңтүстігінде, Ақтөбе облысының орталығында, Жамбыл облысының шығысында, Маңғыстау облысының солтүстік-батысы, оңтүстік-шығысы және орталығында, Ақмола облысының оңтүстігінде, Солтүстік Қазақстан облысының батысы мен солтүстігінде, Қостанай облысының солтүстігі, оңтүстік-шығысы және орталығында, Шығыс Қазақстан облысының оңтүстік жартысында жоғары өрт қаупі сақталады.
«Қызылорда, Жамбыл, Түркістан облыстарында, Атырау облысының солтүстік-батысы, шығысы және орталығында, Ақтөбе облысының батысы, солтүстігі, оңтүстігі және оңтүстік-шығысында, Алматы облысының батысы мен солтүстігінде, Маңғыстау облысының солтүстігі мен шығысында, Қостанай облысының оңтүстігінде, Батыс Қазақстан және Ұлытау облыстарында, Қарағанды облысының батысында, Абай облысының оңтүстік-батысы мен оңтүстігінде, Жетісу облысының солтүстігі мен шығысында өте жоғары өрт қаупі күтіледі. Күндіз Жетісу, Абай, Алматы, Батыс Қазақстан және Атырау облыстарында қатты ыстық +35+38 градус болады», – делінген хабарламада.
Астанада құбылмалы бұлтты, түнде өткінші жаңбыр, найзағай, күндіз де өткінші жаңбыр, найзағай, бұршақ күтіледі. Жел оңтүстік-шығыстан түнде 3-8, күндіз 9-14 м/с, екпіні 15-18 м/с. Ауа температурасы түнде +18+20°, күндіз +27+29°.
Алматыда құбылмалы бұлтты, түнде өткінші жаңбыр, найзағай. Жел оңтүстік-шығыстан 3-8 м/с, түнде екпіні 15-20 м/с. Ауа температурасы түнде +18+20°, күндіз +31+33°.
Шымкентте құбылмалы бұлтты, күндіз өткінші жаңбыр, найзағай, бұрқасын болады. Жел оңтүстік-шығыстан 8-13 м/с, күндіз екпіні 15-20 м/с. Ауа температурасы түнде +18+20°, күндіз +32+34°.
Ақмола облысында түнде батысында және оңтүстігінде, күндіз барлық аумағында жаңбыр жауады. Күндіз +26+31°, түнде +15+20°.
Ұлытау облысында орталығында, солтүстігінде және шығысында найзағай күтіледі. Күндіз +29+34°, түнде +16+21°.
Қарағанды облысында солтүстігінде, оңтүстігінде және батысында жаңбыр жауады. Күндіз +28+33°, түнде +16+21°.
Батыс Қазақстан облысында күндіз батысында найзағай болады. Күндіз +32+37°, түнде +15+20°.
Атырау облысында күндіз батысында, шығысында және оңтүстігінде жаңбыр жауады. Күндіз +33+38°, түнде +19+24°.
Маңғыстау облысында солтүстік-шығысында жаңбыр күтіледі. Күндіз +32+37°, түнде +19+24°.
Ақтөбе облысында солтүстігінде, оңтүстігінде және шығысында жаңбыр жауады. Күндіз +25+30°, түнде +13+18°.
Қостанай облысында батысы мен солтүстігінде жаңбыр күтіледі. Күндіз +24+29°, түнде +15+20°.
Солтүстік Қазақстан облысында батысында, солтүстігінде және оңтүстігінде жаңбыр жауады. Күндіз +28+33°, түнде +14+19°.
Павлодар облысында жауын-шашын болмайды. Күндіз +28+33°, түнде +13+18°.
Абай облысында да жауын-шашынсыз ауа райы күтіледі. Күндіз +30+35°, түнде +13+18°.
Шығыс Қазақстан облысында да жауын-шашын күтілмейді. Күндіз +28+33°, түнде +10+15°.
Қызылорда облысында күндіз солтүстігі мен орталығында жаңбыр жауады. Күндіз +32+37°, түнде +17+22°.
Түркістан облысында күндіз таулы аймақтарда найзағай күтіледі. Күндіз +31+36°, түнде +15+20°.
Жамбыл облысында солтүстігі мен оңтүстігіндегі таулы аймақтарда найзағай болады. Күндіз +30+35°, түнде +17+22°.
Алматы облысында оңтүстігінде аздаған жаңбыр, таулы аймақтарда найзағай болады. Күндіз +30+35°, түнде +18+23°.
Жетісу облысында күндіз оңтүстігінде найзағай күтіледі. Күндіз +30+35°, түнде +13+18°.
«Алдағы тәулікте республиканың оңтүстігі мен оңтүстік-шығысындағы таулы өзендерде болжанып отырған жаңбырға байланысты су деңгейінің ауытқуы күтіледі», – деп хабарлады синоптиктер.
Қазақстанның көптеген өңірлерінде бейсенбі күні жауын-шашын күтіледі
